Page:Anonyme - Macaire, chanson de geste.djvu/304

112

1324—1350

Macaire.

Via s’en vait à força et à vertu,
Et la raine si vait derer lu.
I pase France, qe aresté non fu,
E la Proence, qi no fo conoü,
E Lonbardie tota quanta por menu,
Tant sont alé q’i no sont arestu
Qe à Veneze i se sont venu.
En neve entrent, oltra forent metu.
Çascun qe Varocher avoient véu,
Çascun li guarde si s’en rise rer lu.
Tant alirent por cel poi agu,
Pasent ces porti, le vals e le erbu,
En Ongarie i se sont venu.
A cha d’un bon oster i sonto desendu,
Qe avoit dos files, uncha plu bele non fu,
E una sa dame qe fo de gran vertu,
Qe molto amoit li poure e la çent menu.
E li oster fu saçes e menbru ;
Et oit nome Primeran, molto en fu coneu
Da tota jent, e grandi e menu.
Çascun qe le voit croit qe soia deceu
E q’elo soia de lo seno ensu,
Por li baston qu’el oit groso e quaru
E por li çevo q’el oit si velu.
E li oster li oit por rason metu
Donde il est e donde il est venu.
Dist Varocher : « D’oltra li po agu