Cette page a été validée par deux contributeurs.
13
raoul de cambrai
« Bien verra on qui se feint de servir. »
Raous les mande, si lor dist son plaisir :
« A mon besoign ne me devez faillir. »
(Manque un feuillet, probablement 58 vers ; pour le sens cf. les vers 1109 et suiv.)
XXI
[Il (Raoul) vient demander au roi chevalerie.
XXII
* Il en apele ses seneschaus avant :
* « Aportez armes, car ge le vos comant. »]
« Biaus niés R., je vos voi fort et grant,[1]
« La merci Dieu, le pere omnipotent. »
XXIII
Nostre empereres ama molt le meschin :
L’erme li donne qi fu au Sarrazin
Q’ocist Rolans desor l’aigue del Rin.
Desor la coife de l’auberc doublentin
Li a assis, puis li a dit : « Cousin,
« Icis ver hiaumes fu a .j. Sarrazin ;
« Il ne doute arme vaillant .j. angevin.
« Cil te doint foi qi de l’aigue fist vin,
« Et sist as noces del saint Arcedeclin. »
Et dist R. « Gel praing par tel destin :[2]