Cette page a été validée par deux contributeurs.
130
RONDEAUX
CLII
Pierre de la Jaille
our acquerir honneur et pris
Vers ma dame, j’ay entrepris
A la servir plus que nul ame :
Mon cueur, mon corps, aussy mon ame
Je luy donne sans nul mespris.
Dire les biens qu’i sont compris
Seroit en moy trop hault empris,
Mès son serviteur je me clame,
[Pour acquerir honneur et pris.]
Ma[i]s je n’en cuide estre repris,
Ne de nulluy estre surpris,
D’honnourer sy parfaicte dame ;
Ou qu’elle soit, par Nostre Dame,
Sur toutes luy donne le pris,
Pour acquerir [honneur et pris.]
CLIII
Colas de la Tour
our acquerir honneur et pris,
Il fault de tout bien estre apris,
Humble, segret, doulx en langaige,