aliqua sententia præsidis bestiis addicta : quæ mecum incoram publicam populi caveam frequentaret, ejus penè talem cognoveram fabulam.
Maritum habuit, cujus pater peregrè proficiscens mandavit uxori suæ, matri ejusdem juvenis, quòd enim sarcina prægnationis oneratam eam relinquebat ; ut, si sexus sequioris edidisset fœtum : protinus, quod esset editum, necaretur. At illa per absentiam mariti, natam puellam insita matri pietate præventa, descivit ab obsequio mariti ; eamque prodidit vicinis alumnandam. Regressoque jàm marito, natam necatamque puellam nuntiabat. Sed ubi flos ætatis nuptialem virgini diem flagitabat, nec, ignaro marito, dotare filiam pro natalibus quibat : quod solum potuit, filio suo tacitum secretum aperuit. Nàm et oppidò verebatur, ne quo casu caloris juvenilis impetu lapsus, nescius nesciam sororem incurreret.
Sed pietatis spectatæ juvenis, et matris obsequium, et sororis officium religiosè dispensat : et arcana domus venerabilis silentii
