humeris dependebat, pone tergum, talorum tenus, pretiosa chlamyda, quaquà tamen viseres, colore vario circumnotatis insignibar animalibus, hinc dracones Indic : indè gryphes Hyperborei ; quos, in speciem pinnatæ alis, generat mundus alter, hanc olympiacam stolam sacrati nuncupant. At manu dextera gerebam flammis adultam facem ; et caput decorè corona cinxerat, palmæ candidæ foliis in modum radiorum prosistentibus.
Sic ad instar solis exornato, et in vicem simulacri constituto, repentè velis reductis, in aspectum populus errabat. Ex hinc festivissimum celebravi natalem sacrorum ; et suaves epulas, et faceta convivia. Dies etiam tertius pari cerimoniarum ritu celebratus, et jentaculum religiosum, et teletæ legitima consummatio.
Paucis dehinc ibidem commoratus diebus, inexplicabili voluptate simulacri divini perfruebar ; irremunerabili quippè beneficio pigneratus. Sed tandem Deæ monitu, licet non plenè, tamen pro meo modulo, supplicuè gratiis persolutis, tardam satis domuitionem comparo. Vix equidem abruptis ardentissimi
