Le texte de cette page a été corrigé et est conforme au fac-similé.
Ballade
On ne voit plus un tas de ſaintes gens
Par les deſerts, comme au temps ancien ;
Ni départir les biens aux indigens,
Comme jadis faiſoient les gens de bien ;
Aucun paſteur, ſinon courtiſien,
On ne voit plus, ni qui preſche en la chaire ;
Ains preſche au peuple un moine, ou gardien
Qui vit du pain de ceux qui font du bien ;
Et les prelatz, que font ilz ? groſſe chere.
Pour obſerver les divins mandemens,
Ne laiſſe nul ſon avoir terrien,
Et n’y a plus nuls bons entendemens
Qu’a l’acquerir par maint divers moyen :
A ſon ſalut aucun n’entend plus rien,