Le texte de cette page a été corrigé et est conforme au fac-similé.
D’un Chat & d’un Milan
Ie vy n’aguere vn des plus beaux combats
Qu’il eſt poſſible, & vaut bien qu’on le ſache,
Vn milan vit vn chat dormant en bas,
Si fond ſur luy, & du poil luy arrache :
Le chat combat, & au milan s’attache
Si vivement, & l’eſtraint ſi très fort,
Que le milan faiſant tout ſon effort
De s’en voler, ſe tint pris à ſa prinſe,
Lors me ſouvint d’un qui a faict le fort,
Qui par ſon mal a ſa foibleſſe appriſe.
Ie laiſſe aux grands parler de grands débats
Ie ſens trop bien où mon ſoulier me mache,
Et ne veux point que ſous mon ſtile bas,
Il ſoit penſé que rien de grand ie cache :
Ce que i’entens n’eſt ſinon qu’il me fache,
Qu’en ce temps cy ou nous avons renfort,
