Le texte de cette page a été corrigé et est conforme au fac-similé.
Ballade
des dames du temps jadis
des dames du temps jadis
Dictes moy, ou, n’en quel pays,
Eſt Flora la belle Romaine ?
Archipiada, ne Thaïs
Qui fut ſa couſine germaine ?
Écho parlant quand bruyt on maine
Deſſus riviere, ou ſus eſtan ;
Qui beaulté eut trop plus qu’humaine ?
Mais ou ſont les neiges d’antan ?
Ou eſt la très-ſage Héloïs,
Pour qui fut chaſtré, & puys moyne,
Pierre Eſbaillart, à ſainct Denys.
Pour ſon amour eut cette eſſoyne.
Semblablement où eſt la Royne,
Qui commanda que Buridan
Fut jetté, en ung ſac, en Seine ?
Mais au ſont les neiges d’antan ?
