Le texte de cette page a été corrigé et est conforme au fac-similé.
24
le livre
À ma quenoille
Quenoille mon ſouci, ie vous promets & iure
De vous aimer touſiours, & iamais ne changer
Voſtre honneur domeſtic pour vn bien eſtranger,
Qui erre inconſtamment & fort peu de temps dure.
Vous ayant au coſté ie ſuis beaucoup plus ſeure
Que ſi encre & papier ſe venaient aranger
Tout à l’entour de moy, car pour me reuanger
Vous pouuez bien pluſtoſt repouſſer vne iniure.
Mais, quenoille m’amie, il ne faut pas pourtant
Que pour vous eſtimer, & pour vous aimer tant,
Ie delaiſſe du tout ceſt’ honneſte couſtume
D’eſcrire quelque fois : en eſcriuant ainſi
l’eſcri de vos valeurs, quenoille mon ſouci,
Ayant dedans la main le fuzeau & la plume.
Catherine Des Roches.
