Cette page a été validée par deux contributeurs.
LA CONNESTABLE
Le connestable d’Armignac espousa, par ambition de haulte fortune, la comtesse Bonne, qui s’estoyt desià trez proprement enamourée du petit Savoisy, fils du chamberlan à Monseigneur le Roy Charles sixiesme.
Le connestable estoyt ung rude homme de guerre, piteux de mine, vieulx de peau, grantement poilu, disant tousiours des paroles noires, tousiours occupé de pendre, tousiours en sueur de batailles, ou resvant à stratagesmes aultres que ceulx d’amour. Aussy, ce bon souldard, peu soulcieux d’espicer le ragoust du mariaige, usoyt de sa gente femme en homme qui pense à visées
