— Hé ! mon amy, feyt-il à Philippe en l’appelant à luy.
Le paouvre Tourangeau, plus mort que vif en soupçonnant que
le diable se mesloyt de ses affaires, se leva,
et dit : — Plaist-il ? au redoutable cardinal. Cettuy, l’emmenant par le bras sur les degrez, le resguarda dans le blanc des yeulx, et reprint sans lanterner : — Ventredieu, tu es ung bon petit compaignon, et ie ne vouldroys pas estre obligé de faire sçavoir à ton chief ce que ton ventre poise !… Mon contentement pourroyt me couster des fondations pieuses en mes vieulx jours… Ainsy, choisis : de te marier avecques une abbaye pour le demourant de tes iours, ou avec Madame, ce soir, pour en mourir demain…
Le paouvre Tourangeau, désespéré, luy dit : — Et vostre ardeur passée, monseigneur, pourray-ie revenir ?
Le cardinal eut peine à se fascher, pourtant, il dit griefvement : — Choisis ! le hault-bois ou la mitre !
— Ah ! feit le prebstre malicieusement, une bonne grosse abbaye…
Oyant cela, le cardinal rentra dans la salle, y print une escriptoire et griffonna sur ung bout de charte une cédule pour l’envoyé de France.
— Monseigneur, luy dit le Tourangeau pendant qu’il orthographioyt l’abbaye, l’évesque de Coire ne s’en ira pas aussi bryefvement que moy, car il ha autant d’abbayes que les souldards ont de beuvettes en ville, et puis il est dans les ioies du Seigneur ! Ores, m’est advis que pour vous mercier de cette tant bonne abbaye, je vous doibs ung bel advertissement… Vous sçavez, du reste, combien est malivole et se gaigne dru ceste damnée cocqueluche qui ha cruellement matté Paris ? Ores, dictes-luy que vous venez d’assister vostre bon vieulx amy l’archevesque de Bourdeaux… Par ainsy, le ferez desguerpir comme feurre devant grand souffle d’aër.
— Oh ! oh !… s’escria le cardinal, tu mérites mieulx qu’une abbaye… Hé ! ventredieu ! mon petit amy, voilà cent escuz d’or pour ton voyage à l’abbaye de Turpenay, que i’ay gaignée au ieu hier et que ie te baille en pur don.
En entendant ces paroles et voyant disparoistre Philippe de Mala sans qu’il luy despartist la chatouillante œillade pleine de
