mary du monde, il y consentit, et retarda son partement pour aller en Allemaigne jusques apres qu’elle auroit fait son entrée a Paris[1]. Il me commanda de m’y arrester aussy, ce que je fis, et aussy parce que madame la princesse de Conty me pria d’estre son chevalier a la ceremonie du sacre et de l’entrée[2].
La cour alla donc coucher le 12e de may a Saint-Denis pour se preparer au lendemain 13e, quy fut le jour du sacre de la reine, quy se fit en la plus grande magnificence qu’il fut possible. Le roy y fut extreordinairement gay[3]. Apres le sacre il y eut, au logis de la descente des ambassadeurs, quelque brouillerie entre celuy d’Espaigne et de Venise. Le soir tout revint a Paris.
Le lendemain matin, 14e du dit mois, Mr de Guyse passa par mon logis, et me print pour aller trouver le roy quy estoit allé ouïr messe aux Feuillans : on nous dit par les chemins qu’il estoit allé au retour par les Tuileries ; nous allasmes donc luy couper chemin, et le trouvasmes dans le berceau, s’en revenant, et parloit a Mr de Villeroy, qu’il quitta pour prendre Mr de Guyse et moy a ses deux costés, et nous dit d’abord : « Je
- ↑ L’entrée devait avoir lieu le dimanche 16 mai.
- ↑ Bassompierre porta, à la cérémonie du sacre et du couronnement, la queue de la princesse de Conti, qui portait elle-même celle de la reine.
- ↑ On lit toutefois, dans une relation du temps, que le roi, à son entrée dans l’église, « dit d’une voix fort intelligible et assez haute, voyant tant de monde haut et bas, mesmement considerant ce grand silence : « Il me souvient du grand et dernier jugement ; Dieu nous fasse la grace de nous bien preparer pour ce jour là » (Cérémonial françois, t. I, p. 570).
