une heure devant le jour au faubourg de Dreux ou je me rendrois aussy, et au regiment de Champaigne d’aller investir ledit chasteau de Dreux a mesme heure par la campaigne derriere la ville. J’envoyay en mesme temps a la maison de Lescluselles, quy est proche de Dreux[1], prendre sa femme et ses enfans par une compagnie de carabins, lesquels dirent aussy en les prenant avoir ordre de brusler ladite maison et de couper ses arbres, comme aussy que sy ledit Lescluselles ne rendoit le chasteau de Dreux, que l’on feroit mauvais party a sa femme et a ses enfans. Ils trouverent arrivant a ladite maison l’oncle dudit Lescluselles[2], vieux gentilhomme et bien honneste homme, quy estoit venu pour persuader son neveu de ne se pas opiniatrer dans cette place mal pourveue devant une armée du roy et sy proche de Paris. Ce vieux gentilhomme me vint trouver avant le jour pour me supplier de faire superseder de brusler la maison de son neveu jusques a ce que il luy eut parlé, et que sy je luy voulois permettre qu’il menat la femme dudit Lescluselles avesques luy, il me donneroit un sien fils[3] quy estoit là avesques luy, en ostage de la rammener dans deux heures apres qu’elle seroit entrée dans le chasteau de Dreux. Je me fis un peu tenir pour luy accorder : en fin je le fis a la priere de quelques gentilshommes quy marchoint avesques moy, environ a une heure apres minuit, droit a Dreux, ce
Page:Bassompierre - Journal de ma vie, 2.djvu/186
Le texte de cette page a été corrigé et est conforme au fac-similé.
182
journal de ma vie.
![](http://upload.wikimedia.org/wikipedia/commons/thumb/d/d2/Bassompierre_-_Journal_de_ma_vie%2C_2.djvu/page186-1024px-Bassompierre_-_Journal_de_ma_vie%2C_2.djvu.jpg)