Guillemot[1] quy estoint venus en poste avec moy pourroint tesmoygner que Mr de Guyse estoit party depuis moy de Paris, qu’il m’avoit outrepassé le premier jour que je couchay a la Chappelle la Reine[2], que je l’avois rattrappé le soir suyvant a Poully, et qu’a Moullins ne m’ayant peu suyvre, je l’avois devancé ; et que je luy priois d’asseurer monsieur le cardinal que je n’estois point homme de brigue ny d’intrigue, que je ne m’estois meslé jammais que de bien et fidellement servir le roy premierement, et en suitte mes amis, dont il estoit un des premiers et a quy j'avois voué tout tres humble service : ce qu’il me promit de faire, et moy l'ayant une fois esté voir, je luy dis aussy en sustance les mesmes choses, dont il me tesmoygna d’estre satisfait.
Le roy se fit porter en Bellecourt dans la mayson de madame de Chaponay[3] ou il fut encore bien mallade. Mais Dieu luy ayant rendu sa santé, il partit pour s’en revenir a Paris[4].
Nous le suyvismes un jour apres, Mrs le Comte, cardinal de la Vallette, de Longueville, et moy, et l’ayant rattrappé a Rouanne, nous embarquames devant luy et vinmes jour et nuit a Briarre ou nous trouvasmes mon carrosse quy nous ammena a Paris, ou peu de
- ↑ Charles Guillemeau, médecin ordinaire du roi.
- ↑ La Chapelle-la-Reine, chef-lieu de canton de l’arrondissement de Fontainebleau.
- ↑ Éléonore de Villars, fille de Balthazar de Villars, seigneur du Val, et de Louise de Langes, avait épousé Humbert de Chaponay, seigneur de l’Islemean, qui fut successivement lieutenant-général en la sénéchaussée de Lyon, et intendant ès provinces de Lyonnois, Bourbonnois et Berry.
- ↑ Le roi partit de Lyon le 19 octobre, et de Roanne le 22.
