monsieur le cardinal vint deux jours apres][1], comme aussy fit peu apres le chancelier de Suede Oxenstern, quy s’en retournoit en Suede[2] ; le roy le deffraya et receut tres bien : il vint aussy un ambassadeur de Hollande ; toutes lesquelles choses servirent encores de pretexte a retarder l'effet de ma liberté tant de fois promise, de sorte que ceux que j’avois envoyés la solliciter s’en retournerent comme ils estoint venus, ayans veu partir le dimanche 22me monsieur le cardinal[3], et le roy le lundy 30me et dernier jour d'avril, pour aller a Peronne. Mais le soir mesme le pere Josef escrivit a son frere du Tramblay gouverneur de la Bastille qu’il me pouvoit asseurer que je recevrois mon entiere liberté par le retour a Paris du jeune Bouteillier quy me la devoit porter, lequel arriva le samedy 5me de may a Paris ; et ma niece de Beuvron[4] l’ayant esté voir, il luy dit qu’il avoit eu entre ses mains la despesche de ma liberté, mais que la nouvelle quy estoit venue au roy que Monsieur son frere estoit party de Blois luy sixieme, et s’en estoit allé en Bretaigne peut estre pour s’aller embarquer pour passer en Angleterre, avoit esté cause que l’on avoit retiré laditte despesche, et que, s’il estoit vray que Monsieur fut sorty de France, je n’estois pas pour sortir sy tost ; sy aussy, comme il l'esperoit, cela n’estoit point, que ma liberté
- ↑ Inédit.
- ↑ Le chancelier Oxenstiern, arrivé à Compiègne le 26 avril, y reçut son audience de congé le 29.
- ↑ Suivant les Lettres et papiers d'État, le cardinal de Richelieu, arrivé à Compiègne le 21 avril au plus tôt, n’en partit que le 28 ou le 29.
- ↑ Voir t. I, p. 37.
