Cette page a été validée par deux contributeurs.
5
La Paix.
J’y veux eſtre touſjours,
La Felicité.
Et moy touſjours auſsy.
Toutes deux.
Amour eſt le ſeul mal dont on ſe plaint icy.
La Paix.
Les vents les plus mutins ſont changez en zephirs.
La Felicité.
Les maux les plus cruels ſont changez en plaiſirs.
Toutes deux.
Icy quand un cœur ſoupire,
Un autre cœur luy répond,
Et c’eſt là tout le bruit que font
Les Echos qui n’oſent tout dire.
La Paix.
J’y veux eſtre touſjours, etc.
