Page:Bibliothèque de l’École des chartes - 1921, 1922 - tome 82-83.djvu/331

Item, on treuve^[1] en l’enqueste que trois comtes marchisoient en l’Ostrevant. Li uns estoit li contes de Flandres, qui Douay tenoit, dont on veut dire que partie de Douay estoit en Ostrevant, et Marquette^[2], Oscons^[3], Fenains^[4], or sont maintenant dessous li roys de France. Li autre cuens fu d’Artois ; sils tient Sailly en Ostrevant^[5], Reebiere^[6], Noyelle^[7], Lambres^[8] et autres. Li tiers cuens est cils de Haynault ; cils tient Waisiers^[9] et tout le païs de ci au pont Noyroul à Valenciennes, excepté Anchyn, Ambrecicourt^[10] et Pescquencourt^[11] qui furent jadis des fiez le comte Ansel de Ribemont, qui l’eglise d’Anchyn fonda. Et quand li roy Philippes li Biaux eust oy ceste information, il oy les parties en leurs faits et cy après dit.

Premiers, li abbez de Hanon^[12] plaida grant^[13] temps en Parlement contre le comte Jean de Haynaut, et finalement, par les privileges que il avoit du roy de France qui fondés li avoit, il out jugement pour luy, et demoura l’eglise en l’especial garde du Roy, et y out grand temps gardiens de par le Roy. Auquel gardiens et à plusieurs sergens li cuens de Haynaut firent plusieurs desobeissances, et tant que li roy Philippe envoia monseigneur de Valois, son frere, ave gens d’armes pour contraindre ledit comte de mettre en obeissance. Et fu de cy à Saint Quentin, et là vint li comte de Haynaut amender à sa volonté, un fil de soie entour son col en guise de hart.

Item, depuis, li abbé d’Anchin plaida longtemps à Paris contre ledit compte de Haynaut pour la garde de l’eglise, et fu jugé la garde demourer au Roy. Et pour les enfraintures que li comtes

1. Ms. : tienne.
2. Marquette, Nord, arr. de Valenciennes, cant. de Bouchain.
3. Oscons, auj. Abscon, Nord, arr. de Valenciennes, cant. de Denain.
4. Fenain, Nord, arr. de Douai, cant. de Marchiennes.
5. Sailly-en-Ostrevant, Pas-de-Calais, arr. d’Arras, cant. de Vitry-en-Artois.
6. Sans doute pour Brebières, Pas-de-Calais, arr. d’Arras, cant. de Vitry-en-Artois.
7. Noyelle-sous-Bellonne, Pas-de-Calais, arr. d’Arras, cant. de Vitry-en-Artois.
8. Lambres, Nord, arr. et cant. de Douai.
9. Waziers, Nord, arr. et cant. de Douai.
10. Auberchicourt, Nord, arr. et cant. de Douai.
11. Pecquencourt, Nord, arr. de Douai, cant. de Marchiennes.
12. Hasnon, Nord, arr. de Valenciennes, cant. de Saint-Amand-les-Eaux.
13. Ms. : quant.