LA bî:lle magtjelonxe.
saint Pierre faisoient beaucoup de miracles. „Et nous vous conseillons, beau frère, que vous y veniez, car sans faute vous y *trouverez remède de ceste maladie, si vous y venez de bon cueur; car grant quantité de
5 malades y sont venus et guéris."
Et quant Pierre ouyt parler de ceste sainte église il va vouer a dieu et a monseigneur saint Pierre qu'il y demourroit par l'espace d'un moys sans se faire cognoistre a père ne a mère et affin qu'ils luy
10 donnassent santé et nouvelles de la belle Maguelonne, nonobstant qu'il pensoit et creoit seurement qu'elle fust morte plus tost que vive.
Et tant voga la nef par ses journées que arriva a sauvement au port sarrasin et illec descliargerent
15 Pierre. Et quant Pierre fut a terre incontinent s'en alla a l'église et illec remercia a dieu tout ce qu'il luy avoit donné. Et quant il eut fait son oraison il s'en alla mettre comme povre malade a l'hospital pour acomplir son veu, et se mist sur l'un des lits de
20 l'hospital.
Et quant Maguelonne visitoit ses malades et vit cestuy qui estoit venu de nouvel, elle le fit lever et luy lava les pies et les mains et puis les luy baisa, car ainsi faisoit elle a tous, et puis le fit souper et
25 luy mit des draps blancs en son lit et si le fit aller coucher. Et luy dit qu'il deniandast toutes les choses qui luy seroient bonnes pour recouvrer santé, car elle
��90
�� �
