LA BELLE MAGUELONNE.
se commencèrent a embrasser et baiser tant douce- ment, et de si grant amour et joyeuseté plouroient tous deux.
Et après ils s'en allèrent tous deux asseoir et
5 commencèrent a parler l'un a l'autre et demander de leurs desfortunes et aventures. De vous dire la grant joie et plaisir qu'ils a voient l'un de l'autre, je le mets en la cogitation de chacun, car mieux se peut penser que escrire. Toutesfois ils ne se pouvoient saouler
10 de baiser et embrasser et de conter de leurs aventures. Et ainsi tout ce jour jusques a la nuit ne firent autre chose, nonobstant que Maguelonne luy alla conter
- comment dieu luy avoit mandé les xiiii barils d'or
qu'il avoit perdus et comment elle en avoit despendu
15 une partie pour édifier icelle église dont Pierre en eut grant plaisir. Apres ils vont traiter comment le feroient savoir au conte et a la contesse. Et Pierre dit, qu'il avoit voué d'estre illec en Fhospital un mois et encores n'estoit il pas passé. Et la douce
20 Maguelonne luy dit: „Mon doux seigneur et amy, j'iray demain a l'hostel du conte et de la contesse et entreprendray avec eux le jour qu'ils viendront icy en Fhospital et vostre veu sera acomply au plaisir de dieu. Et quant ils seront venus je les ameneray
25 en l'église de monseigneur saint Pierre de Maguelonne faire leur oraison et devocion. Et puis les ameneray en ceste chambre et vous et mo}^ nous m agnif esterons
��"«■'• 96
�� �
