LA BELLE MAGCTELONNE.
sa contenance regardoit Pierre doucement et n'en pensoit pas moins elle de Pierre que Pierre d'elle.
Apres qu'ils eurent disné firent plusieurs ^esbatemens par la salle. Et le roy se mit a solacer avec les 5 dames et donna licence a la belle Maguelonne qu'elle solaçast avec le chevalier.
Et lors Maguelonne appela moult doucement Pierre, lequel ne se osoit approcher d'elle et luy dit: „Noble chevalier, monseigneur mon père, le roy, 10 prent grant plaisir en vous et tous ceux de l'ostel pour les grans vertus et noblesses qui sont en vous. Pourquoy venez vous esbatre souvent céans ; car le roy et la royne y prennent grant plaisir et aussi feray je et toutes les autres dames et damoiselles."
15 Quant Pierre ouyt ainsi parler la belle Maguelonne il luy alla dire: „Ma chère dame, il ne souffit pas a remercier au roy ne a la royne ne a vous que faciez tant d'honneur a personne de tant bas estât comme je suis, lequel n'ay mérité d'estre le moindre serviteur
20 de vostre hostel. Toutesfois, treshaute et puissante dame, je vous remercie tant comme je puis et a eux et a vostre haute seigneurie, en moy obligeant a toujours estre vostre chevalier et serviteur en tous les lieux ou je seray."
25 Et lors dit Maguelonne: ,, Vaillant chevalier, vostre bonne mercy, et je ne refuse point vostre service et
��* f. 122^
12
�� �
