LA BELLE MAGUELONNE.
COMMENT LA BELLE MAGUELONNE RACONTE
A SA NOURRICE L'AMOUR QU'ELLE PORTE A
PIERRE.
Quant Pierre fut retourné en sa maison et * fut en
5 son secret retrait il commença a penser a la souve- raine beauté, noblesse, honneur et gracieuseté de Maguelonne et sur tout l'enflammoit le très doux re- gard de l'ueil qu'elle luy avoit fait, tellement que d'illec en avant il ne pouvoit avoir plaisir ne repos.
10 Et quant Maguelonne fut en son lit couchée, commença a penser a la beauté et vaillantise de ce jeune chevalier et qu'elle eut pris grant plaisir de savoir sa condicion ne de quelles gens il estoit, car luy sembloit a ses manières qu'il devoit estre de grant
15 lignage. Et si par aventure il estoit de lignage haut et grant elle le voudroit mieux aimer que homme du monde, puisqu'elle sa voit qu'il estoit venu illec seule- ment pour elle. Et regardant Maguelonne qu'elle ne pouvoit rien faire sans conseil et aide de quelque
20 personne elle alla penser qu'elle le diroit a sa nourrice.
Et un jour l'alla tirer a part en sa chambre et
luy dit: „Chere nourrice, toujours m'avez aimée et
monstre singulière amour, pourquoy je n'ay tant de
fiance en personne du monde comme j'ay en vous, et
25 vous prie que vous teniez secret ce que je vous diray et me donnez le meilleur conseil que vous pourrez."
��*f. 123^
14
�� �