LA BELLE MAGUELONNE.
fera tout ce qu'il vous plaira luy commander et se recommande humblement a vostre bonne grâce. Et quïl vous plaise luy assigner jour et lieu ou il vous puisse dire son courage lequel il n'ose dire a nul autre
5 et vous supplie encores plus humblement qu'il plaise a vostre haute seigneurie de prendre cestuy annel et de le garder pour l'amour de luy."
Et quant Maguelonne ouyt les paroles de sa nourrice et vit ce bel et riche annel, plus beau
10 que n'estoit le premier, de fine amour et de joie sa couleur devint rouge. Et quant elle l'eut pris dit a sa nourrice: „ Sachez, ma chère nourrice, que cestuy est l'annel que je sonjoie l'autre nuit, car le cueur ne me dit rien qui ne m'aviegne. Et croyez
15 sans nulle faute que cestuy sera mon seigneur et mary et sans luy je ne puis avoir bien ne plaisir en cestuy monde, pourquoy vous prie, ma chère nourrice, que nous y avisons par la meilleure manière *et plus honneste que nous pourrons, car sans faute je ne
20 veux plus tarder que je ne parle avec luy. Et pour ce, ma chère nourrice, trouvez manière que je le puisse voir et que je parle a luy a mon plaisir, car j'ai espérance en dieu que par vostre moyen je viendray a bonne fin de mon désir. Et si vous promets que
25 vous n'y perdrez rien."
Et la nourrice luy promit qu'elle y feroit toute diligence. Et par ainsi demeura la bonne et belle
��* f . 130.
26
�� �
