LA BELLE MAGITELONNK
vierge Marie! Vous qui entre toutes les femmes avez mérité d'avoir ces deux noms, vierge et mère, et qui estes consoliere des desconsolés et désolés, plaise vous de consoler ceste povre pucelle qui se retourne a vous de bon cueur et de bonne volenté 5 et que n'aille ainsi perdue ne désolée par le monde." Et puis disoit: ,.0 seigneur saint Pierre, qui '^'avez esté lieutenant de dieu en terre, lequel vous mit le nom de Pierre, plaise vous garder et défendre de tout mal mon loyal amy Pierre, qui pour l'honneur de 10 vous porte vostre nom et vostre enseigne, lequel en tous ses faits vous a premier en honneur et en de- vocion. Et s'il est vif mettez le en chemin qu'il puisse venir a moy, et moy a luy, et que nous puissions en paix achever nostre loyal mariage. Et que n'allions 15 ainsi perdus, ne luy ne moy, et que nostre honneste amour ne se perde si vilement, et veuillez en prier nostre seigneur par vostre bénignité."
Et quant elle eut finée ceste oraison et ceste prière se leva et s'en voulut retourner. Et elle vit entrer 20 son oncle, le frère de sa mère, dedans l'église a grant compagnie de gens qui la cherchoient, dont elle fut esbahie et eut grant paour; mais ils n'en tinrent compte, car il n'y avoit nul qui la sust cognoistre avec celuy habillement. Et ainsi, comme une povre 25 pèlerine s'en va saillir et se alla mettre en un hospital ou elle demoura quinze jours comme povre pèlerine.
��67
�� �
