Page:Binet - La Vie de P. de Ronsard, éd. Laumonier, 1910.djvu/71

La bibliothèque libre.
Aller à la navigation Aller à la recherche
Le texte de cette page a été corrigé et est conforme au fac-similé.
13
DE PIERRE DE RONSARD

temps ces richesses[1] * ? Ce fut ce qui l’incita[2] à tourner en François le Plutus d’Aristophane, et le faire representer en public au college[3] de Cocqueret, qui fut la premiere Comedie Françoise joüée en France *. Baïf aussi comme luy y prit appetit[4], et à l’exemple de ces deux jeunes hommes plusieurs beaux espris se reveillerent * et vindrent boire en cette fonteine dorée, comme M. Antoine de Muret, qui avoit ja grand avancement en l’Eloquence Latine *, Lancelot Carles *, et quelques autres[5], qui tous ensemble à l’envy faisoient tous les jours[6] sortir des fruicts nouveaux, et non encore veus en nostre contrée[7]. Mais Ronsard qui n’avoit ny faute de cœur et d’ambition pour l’honneur, ny d’enthousiasme pour monstrer[8] que la Poësie estoit née avec luy en France, osa passer plus avant, et pria Dorat de luy ouvrir le chemin d’Homere, de Pindare, et de Lycophron. Il[9] ne vit pas si tost le passage ouvert qu’il se fist maistre de la plaine. Voyant[10] que nostre langue estoit povre[11], il tacha de l’enrichir de beaux epithetes, inventa mots nouveaux, renouvela les vieux, et traça le chemin[12] pour aller chercher des tresors en plus

  1. C d’une poësie qui n’avoit encore passé les mers de deçà, qui pour tesmoignage du profit qu’il avoit fait, traduisit ceste Tragedie en François, l’effect de laquelle, si tost que Ronsard eut savouré : Et quoy, dit-il à Dorat, mon maistre, m’aviez vous caché si long temps ces richesses ?
  2. B l’incita encor | C l’incita encor, outre le conseil de son precepteur,
  3. C au Theatre
  4. BC comme luy y mit son envie
  5. BC Lancelot Carles, Remy Belleau * et quelques autres
  6. BC faisoient chacun jour
  7. C en nostre contrée. Pour ne demeurer ingrat de tant de biens, une des premieres Odes qu’il fit fut à la loüange de Dorat, et commençoit ainsi :

    Puisse-je entonner un vers
    Qui raconte à l’Univers,
    Ton los porté sur son aile,
    Et combien je fus heureux
    Succer le laict savoureux
    De ta feconde mammelle :
    Sur ma langue doucement
    Tu mis au commencement
    Je ne sçay quelles merveilles,
    Que vulgaires je rendy,
    Et premier les espandy
    Dans les Françoises oreilles *.

  8. B ny faute de cœur et de sang vigoureux, ni de genereuse ambition pour l’honneur, ny d’enthousiasme pour monstrer | C ny faute de cœur ny d’enthousiasme, pour monstrer
  9. AC Lycophron : il
  10. C de la campagne, voyant | 1604 de la campagne : voyant
  11. BC pauvre
  12. BC il tascha de la desfricher, et enrichir, inventant mots nouveaux, r’appellant et provignant les vieux, adoptant les estrangers, et la parant [C la revestant] de propres Epithetes, et de mots heureusement composez [C composez à la façon des Grecs]. Brief il traça le chemin