Cette page a été validée par deux contributeurs.
4
Oraiſon Funébre
qui ſe glorifie de faire la loy aux Rois, & de leur donner quand il luy plaiſt de grandes & terribles leçons. Soit qu’il éleve les Thrônes, ſoit qu’il les abbaiſſe ; ſoit qu’il communique ſa puiſſance aux Princes, ſoit qu’il la retire luy-meſme & ne leur laiſſe que leur propre foibleſſe : il leur apprend leurs devoirs d’une maniére ſouveraine & digne de luy. Car en leur donnant ſa puiſſance, il leur commande d’en uſer comme il fait luy-meſme pour le bien du monde ; & il leur fait voir en la retirant, que toute leur Majeſté eſt empruntée, & que pour eſtre aſſis ſur le Thrône, ils n’en ſont pas moins ſous ſa main, & ſous ſon autorité ſuprême. C’eſt ainſi qu’il inſtruit les Princes, non-ſeule-
