⸿ De la mort de Brutus & comment apres ſa mort ſes troys filz partirent le royaulme de Bretaigne.
pres que Brutus euſt poſſide ce
royaulme de Bretaigne par leſpace
de xxiiii ans,
Brutus treſpassa & laiſſa trois filz : Locrius, Camber, Albanatus il treſpasſſa & delaiſſa
troys filz de luy & Ygnogen ſa
femme. Le premier fut nomme Locrius, le ii
Canber & le iii Albanatus : ces troys freres
partirent entre eulx Bretaigne : Locrius filz aiſne
qui eſpouſa Gnendolenne fille de Lorinus, pour
ſon droit dainſneſſe en euſt la moitie. Camber le
ii filz en euſt vne quarte partie qui fut appellee
Cambrie que lon appelle a preſent Galles. Et
Albanatus tiers filz lautre quarte partie laquelle
il appella Albanye & eſt a preſent le pais d Eſcoce.
⸿ Comment Humber roy des Hunes deſcendit & fiſt la guerre en Eſcoce.
eu de temps apres que ces troys freres
eurent departi ce royaulme & que
chacun fuſt demourant & regnant en
ſa partie le roy des Hunes appelle
HumberHumber roy des Hunes defcendit a puiſſance darmes en Eſcoce
qui eſtoit la porcion dont Albanatus dernier filz
de Brutus eſtoit roy. Albanatus aſſembla soubdainement
gens darmes eſcoſſoys pour combatre
mais peu luy valut, car des la premiere bataille
que Humber luy bailla, Albanatus fut occis &
ſes Eſcoſſoys mis en fuite, & pour auoir aide
& ſecours a recouurer leur pays les Eſcoſſoys
apres la mort de leur roy Albanatus ſe retirerent
par deuers le roy Locrius ſon frere. Locrius ſe
miſt en armes : auſſi fiſt ſon frere Camber, a
tout grant nombre de gens de guerre tant a pie
que a cheual tirerent au champs & rencontrerent
le roy Humber auecques ſes Hunoys & ſe rengerent
en bataille les vngz contre les aultres
iouxte vne riuiere en Eſcoce, & frapperent tellement
dedens que le roy Humber fut contrainct
de prendre la fuite a trauers la riuiere en laquelleHumber ceſt noye
il ſe noya : & des lors apres fut ceſte
riuiere appelle le Humbre, a cauſe de ce que
le roy Humber ſe y eſtoit noye : auſſi y furent noyez pluſieurs de ſes gens qui paſſer ne la peurent les autres furent partie deux occis & partie mis en fuite.
⸿ Comment Gnendolenne ducheſſe de Cornoaille liura la bataille au roy Locrius ſon mary en laquelle il fut occis.
orineus duc de Cornoaille auoit vne
tres belle fille nommee Gnendolenne,
laquelle, comme il eſt diſt deuant,
Locrius roy de Bretaigne filz aiſne
de Brutus, eſpouſa & en euſt vng filz qui fut
nomme Madan. Bien toſt apres que ce filz Madan
naſquit, Corineus ſon ayeul treſpaſſa & apres
ſa mort Locrius repudia ſa femme Gnendolenne,
& fut pour lamour & affection orde & deſhonnefte
quil auoit a vne ieune dame de Germanie
nommee Arſtilde de laquelle il auoit
entretenue & depuis la print à femme. Gnendolenne
qui ſe veoit ainſi habandonnee de ſon
mary ſe retira en Cornoaille dont elle eſtoit
dame par le treſpas de ſon pere & miſt ſuz
moult grant nombre de gens darmes de Cornoaille
& vint donner la bataille a Locrius ſonGnendolenne occiſt Locrius ſon mary en bataille
mary, & tellement fut Locrius aſſailly que il fut
occis en celle bataille & ſes gens furent mis en
fuite partie deux & autre partie occis. Quant
Madan filz de Locrius & de Gnendollenne fut
en cage on le fiſt roy de Bretaigne par ordonnance
de ſa mere.
⸿ De pluſieurs roys de Bretaigne qui peu de temps y regnerent lvn apres lautre.
pres que Madan euſt regneMadan roy de Bretaigne par quarante
ans roy de Bretaigne il treſpaſſa
& delaiſſa deux filz : lvn eſtoit
Mempricius & lautre Malin. Ces deux
icy apres la mort de leur pere eurent enſemble
moult dure guerre lun contre lautre pour ce
que chacun deux vouloit eſtre ſeul roy & finablement
Mempricius fiſt en trahiſon tuer ſon
frere Malin. A celle cauſe il demoura ſeul roy.
Mempricius roy eut vng filz nomme Hebranc
