ment eſt la recollection par eſcript des faitz preſens a leſcripuant leſquelz pour leur vetuſte & antiquite ſe peuent par apres eſlongner de memoire des hommes. Or en enſuyuant le ſtille de touz catholiques acteurs compoſiteurs de ſemblables matieres ie veulx au commencement de ce preſent oeuure implorer layde & subuention de la glorieuſe trinite comme nous enſeigne le docteur des gens, veſſeau delection, par ſon epiſtre quil adreſſe a ceulx de Collocenſe en Aſie au troiſieſme chapitre dicelle epiſtre ou il dit : quanque vous ferez en parolle ou en operacion, faictes le au nom de noſtre Seigneur Jeſus Criſt en rendant par luy graces a Dieu le pere car comme recite ſainct Auguſtin, & quil eſt contenu ou canon Qui ſine ſaluatore en la deuxieſme queſtion de la trenteſixieſme cauſe : Celuy qui ſans le Saulueur entreprent ouurage ſalutaire & ſans vraye obedience extime ſoy faire prudent en aſſiduelle enfermete labourera comme fol & en cecite dommageable en permanente demencie. La decretalle Firmiter nous enſeigne que Dieu eſt le commencement de toute choſe : & Noſtreſeigneur en parlant de luy meſmes, diſt aux Iuifz quil eſtoit le commencement de toutes choſes, qui a eulx parloit comme recite ſainct Iehan au viii chapitre de ſon euangile: ceſt le vray fondement de toutes operations auquel nous ſommes & auquel nous viuons comme il eſt eſcript ou xvii chapitre de lacte des apoſtres. A ceſte cauſe, pour ſur ferme fondement entreprendre ce preſent edifice, icelluy correctement conduyre iuſques a la fin, ie implore a ce commencement la puiſſance de Dieu le pere, la ſapience de Dieu le filz, & la bonte & dilection du ſainct Eſperit, qui ſont vng ſeul Dieu en trois perſonnes, a ce quil lui plaiſe nous donner grace deſcrire & declarer choſe proufitable a tous lecteurs & auditeurs.
⸿ La diuiſion de ce preſent liure.
our ce que toute choſe par partie diuiſee
eſt de plus facile comprehencion
nous diuiſerons ceſte petite &
abregee cronique en quatre liures ou
parties. Au premier liure ſera faicte mencion de
Brutus premier Breton & de ſes ſucceſſeurs roys de la grande Bretaigne depuis lan ſoixantieſme apres la deſtruction de Troie iuſques au temps que Conan Meriadec conquiſt le royaulme d Armorique qui fut iii c lxvi ans apres laduenement de noſtre Seigneur.
Le ſecond liure traictera des roys de noſtre Bretaigne armorique depuis celuy Conan Meriadec iuſques a ſaint Salomon dernier roy qui mourut tout plain de ſainctete par cruel martyre lan de grace ixc. Le tiers liure fera mencion des ducz de Bretaigne qui en droit de ſouuerainete ont regne en ceſte Bretaigne depuis Alain le grant premier iuſques au duc Pierre Mauclerc enuiron lan mil iic & xiii. Et le iiiie liure contiendra les nomz & aucuns faitz & geſtes des ducz qui depuis celluy temps ont regne iuſques au dernier duc Francoys lequel treſpaſſa enuiron ſur leure au mois de ſeptembre lan de grace mil iiii c iiiixx & viii.
⸿ Aultre diuiſion.
our mieulx dreſſer & donner a entendre
les temps & les ſaiſons eſquelz
les faitz dont nous auons entreprins
traicter ſont aduenuz, nous auons a
preſuppoſer la diuiſion des ſix eages du monde
que les anciens croniqueurs ont par cy deuant
diſtinctement partis & diuiſez depuis la formation
de Adam iuſques au temps de la loy
euangelique ou nous ſommes a preſent, combien
que les docteurs ſoient differens quant a
leur cottacion & termine, comme nous dirons
cy apres. La premiere eage commence a la Le temps de la premiere eage.
creation du monde & dure iuſques au deluge
de Noe. Et different moult ceulx qui ont proporcionne
le temps de ceſt eage car les Hebrieux
le limitent & terminent de mil vc lvi
ans & les ſoixante dix interpretes, comme
recite Yſidore, dient que ceſt eage dura deux
mille iic xlii ans. Le ſecond eage commencaDu ſecond eage.
au deluge & dura iuſques a la natiuite d Abraham.
Ceſt aſſauoir, ſelon la verite hebraique,
iic iiiixx & xii ans & ſelon les lxx interpretes
ixc xiii ans. La troyſieſme commencaDu tiers eage.
a la natiuite d Abraham & dura iuſques au
