ra pourueu que tu donne ordre que tous tiennent la veue baiſſée, & que pas vn ne regarde ce que tu feras, autrement tout ira mal. Le voila donc retourné dans fort peu de temps à ſon Village, il prend le corps de ſa ſçeur, fait feſtin, & execute de point en point, tout ce qui luy auoit eſté preſçrit ; & de fait il ſentoit deja du mouuement dans ce cadaure demy pourry ; mais comme il eſtoit à deux ou trois pas de ſa place, il y eut vn curieux qui leua les yeux, & en meſme temps cette ame s’echappa, & ne luy demeura que ce cadaure ſur les bras, qu’il fut contrainct de reporter au tombeau d’où il l’auoit tiré.
Voicy vne autre de leurs fables de meſme tiſſure. Vn ieune homme des plus qualiſiez d’entr’eux apres s’eſtre bien fait prier, répondit enfin eſtant malade, que ſon ſonge portoit vn arc roulé en écorce, que ſi on vouloit luy faire eſçorte, il n’y auoit qu’vn ſeul homme ſur terre qui en euſt vn. Vne troupe de deliberez ſe mettent en chemin auec luy ; mais au bout de dix iours il ne luy reſta que ſix compagnons, le reſte rebrouſſa à cauſe de la faim qui les preſſoit : les ſix vont auec luy
