Pays, tant en donnant des fers de fleches, comme en nous diſposant de les aller ſecourir dans leurs forts ſelon noſtre pouuoir. En effect nous auions quatre de nos François munis de bonnes arquebuſes, qui eſtoient tous preſts de courir au premier village où ſe fuſt donné l’aſſaut, & moy i’eſtois reſolu de les aller accompagner pour les aſſiſter ſpirituellement, & pour prendre les autres occaſions qui ſe fuſſent preſentées d’auancer la gloire de Dieu. De là, ie vous laiſſe à penſer ſi nous auons beſoin du ſecours d’enhaut, & que ceux qui viuent en repos & en aſſeurance, le nous obtiennent par leurs prieres, c’eſt ce que nous leur demandons humblement.
Les Hurons nous ſont demeurez fort affectionnez de la promptitude que nous leur auons monſtrée à les aſſiſter. Nous leur auons dits auſſi que doreſnavant ils fiſſent leurs forts en ligne droite, & qu’au moyen de quatre petites tourelles aux quatre coings, quatre François pourroient facilement auec leurs arquebuſes mouſquets conſeruer & defendre tout vn village. Ils ont fort gouſté cet aduis, & ont deſia commencé à le practiquer à la Rochelle, où il ſou-
