Cette page a été validée par deux contributeurs.
i’ay iugé plus à propos de les reſeruer à la ſeconde partie de ceſte Relation ; I’eſpere que i’éuiteray par ce moyen plus ayſément la confuſion, & contenteray à mon aduis dauantage tous ceux qui ſont curieux de ſçauoir les mœurs & les couſtumes de ces Peuples.
Chapitre III.
Aduertiſſement d’importance pour ceux qu’il plairoit à Dieu d’appeller en la Nouuelle France, & principalement au Pays des Hurons.
Ous auons appris que le ſalut de tant d’ames innocentes lauées, & blanchies dans le Sang du Fils de Dieu, touche bien ſenſiblemẽt le cœur de pluſieurs, & y allume de nouueaux deſirs de quitter l’ancienne France, pour ſe tranſporter en la Nouuelle. Dieu ſoit beny à iamais qui nous fait paroiſtre par là qu’il a enfin ouuert à ces Peuples les entrailles de ſon infinie miſericorde. Ie ne ſuis pas pour refroidir ceſte genereuſe reſolution ; helas ce ſont ces
