Le texte de cette page a été corrigé et est conforme au fac-similé.
39
reſte. Et de fait la reſolution prinſe, l'execution en fut auſſi ſoudaine. Car mettans à la voile & levans l'ancre commencerent à prendre la route de leur retour, & à laiſſer les quarantes cinq ſur le coſté de leur navire, lamentans leur deſaſtre, qui avoient touſiours eſperé que lon les retireroit de là. Nous laiſſõs donc le navire de guerre retourner en France, & reviendrons à nos povres malautruts, leſquels ne pouvans aſſez blaſmer la déloyauté de leur Capitaine & compagnons, ne ſe mettoient dedans la fantaſie ny au courage aucune invention, ne aucune volonté d'eſſayer à ſe titer de là ; & avec ces pleurs & la-
