Cette page a été validée par deux contributeurs.
COUPLETS À JÉSUS-CHRIST.
Seigneur, quand viendra le jour
Tant désiré,
Que je seray par amour
A vous tiré ?
Et que l’union sera
Telle entre nous,
Que l’espouse on nommera
Comme l’espoux.
Ce jour des nopces, Seigneur,
Me tarde tant,
Que de nul bien ny honneur
Ne suis content ;
Du monde ne puys avoir
Plaisir ny bien ;
Si je ne vous y puys voir,
Las ! je n’ay rien.
Si de vostre bouche puys
Estre baisé,
Je seray de tous ennuys
Bien appaisé ;
Baisez-moy, acolez-moy,
Mon tout en tout ;
Unissez-moy, par la foy,
Du tout à vous.
Essuyez des tristes yeux
Le long gémir,
