Cette page a été validée par deux contributeurs.
sibleté d’iceulx, Et pareillement la fecondité du grant fleuve qui descend et arrose le permy d’icelles voz terres, qui est le plus grant sans comparaison que on sache jamais avoir veu. Les quelles choses donnent à ceulx qui les ont veues, certaine esperance de l’augmentation future de nostre dicte saincte foy et de voz seigneuries et nom tres chrestien, ainsi qu’il vous plaira veoir par cestuy present petit livre : Auquel sont amplement contenues toutes choses dignes de memoire, que avons veues, et qui nous sont advenues tant en faisant ladicte navigation, que estans et faisans sejour en vosdictz pays et terres.
