Le texte de cette page a été corrigé et est conforme au fac-similé.
87
plus l’eau ſera legere, plus y enfoncera : & moins, plus elle ſera peſante, comme il nous ſeroit aiſé de le demonſtrer, s’il en eſtoit queſtion icy. Voila la figure, & l’vſage de c’eſt inſtrument, & la raiſon de c’eſt uſage. La lettre de Syneſius s’y rapporte ſi exactement dans toutes ſes circonſtances, que feu Monſieur de Monchal Archeueſque de Toloſe, ayant enuoyé cette explication au Pere Petau, il aduoüa que Monſieur Fermat eſtoit le ſeul qui auoit compris quel eſtoit l’inſtrument, & il auoit eſcrit, que dans vne ſeconde impreſſion il la mettroit dans ſes notes. Mais parce que cela n’a pas eſte fait, i’ay creu que le Lecteur ſçauant, & curieux ne ſera pas marry, que ie luy en aye fait part.
FIN.
