Poi s’en faut ne vous meche orendroit en prison.
Sire, chou dist Renaus, pas ne seroit raisons.
Vos niez si m’a batu et faite mesproison
Et mon oncle avez mort, dant Bueve d’Aigremont
Je vous en demant droit, empererez Karllon,
De la mort de mon oncle n’i ait acordison.
Quant l’oï Karlemaines ne dist ne o ne non,
Il hauche le puing destre, si le fiert a bandon
Et Renaus s’en tourna qui en ot marison.
En la salle est venus sans nule arrestison
Et aveuques ses freres qui sont chevalier bon.
Il saisi l’eschekier painturé a lion
Et feri Bertelot tres en mi liu del front.
La chervele en alat, n’i a demorison,
A ses piés caï mors sans nisun ocoison.
Adont leva la noise et li cri[1] environ.
Karlemaines le vit, si en fu moult embron.
En haut est escriez : Prendes [le][2] moi, baron.
Adont saillent Franchois, Flamenc et Bourgeignon,
Durement escrierent lez .iiii. fix Aimon
Que il lez quident prendre et mettre en [lor] prison[3],
Mais il se desfendirent irié comme lion.
La mellee est moult grant et li caple moult fier
De l’empereor Karlle[4], de Renaut le guerrier.
Tant riche garnement veïssiez depechier,
Et tant cavel tirer amont [par le tenplier][5],
Tante buffe donner, l’un a l’autre paier,
Tant chevalier abatre et caïr ou foier.
Onques la gent le roy o le viaire fier
- ↑ C : li cris.
- ↑ Sic C. B : lez.
- ↑ Sic C : manque à B.
- ↑ C : de roi Charle de France
- ↑ Sic C. B sous le planchier.
son voyage à Jérusalem et à Constantinople, figurait le bras de saint Siméon sur lequel il avait porté Jésus enfant lors de sa présentation au temple. Ce bras était conservé avec les reliques de la Passion à l’abbaye de Saint-Denis et, comme elles, était montré aux fidèles à la foire annuelle du Lendit. Cf. G. Paris, Romania, IX, p. 29, et F. Castets, Iter Hierosolymitanum, p. 21 et 46.
