Durement vous haon, ja ne vous cheleron,
Pour la mort au duc Buef, le sire d’Aigremon,
Quer a nous ne feïstez pez ne acordoison.
Kallemaines l’oï, si drecha le menton,
Adonques rougi Kalle aussi comme carbon.
« Renaut, fui toi de chi, fix a putain, garchon.
A moult petit s’en faut, ne te met en prison. »
« Sire, chen dist Renaut, ne seroit pas reson.
Puis que ne t’amendez, a itant nous taison. »
A itant le lessierent li .iiii. bacheler.
Renaut le fix Aymon lessa atant ester,
Aalart et Guichart le vont reconforter,
Et puis apres mengié, alerent behourder.
Et li auquant s’asieent et prennent a jouer.
Renaut et Bertelai si ont pris .I. tablier
Et uns eschez d’ivoire, si pristrent a jouer.
He Dex ! a grant martire les convint dessevrer.
Renaut et Bertelai sunt au jouer assis
Et tant i ot joué que il i ot estris.
Bertelai le clama fix a putain, chetis,
Et a hauchié la paume, si le feri ou vis.
Tel bufe li donna que le sanc est saillis.
Et quant Renaut le voit, si en fu moult marris.
Il saisi l’eschequier qui fu a or massis,
S’en feri Bertelai tres par mi lieu du vis
Que trestout le fendi entresiques ou pis.
Mort l’avoit etendu, or est levé le cris.
L’arrangeur, en transposant la querelle de Charlemagne et de Renaud, pèche sans doute contre la vraisemblance, mais il met en relief le souvenir de la mort de Beuves, de sorte que la première partie est en apparence reliée aux événements qui suivent, en devient une des raisons.
Le succès de ce remaniement partiel a dû être grand puisqu’il a été fidèlement conservé dans la Bibliothèque bleue.
Dans la mêlée qui suit, Maugis se distingue par son courage. Il accompagne les Fils Aymon dans leur fuite. Charles les fait suivre mais inutilement. Bayard portait Renaud et Richard. Ils passent Compiègne « et la forest majour » et arrivent à Dordonne où leur mère les blâme. De là ils partent pour la forêt d’Ardenne. « Par le val de Noiron » ils atteignent Montessor sur la Meuse.
