les trompes et les cors, on serre les rangs. Berfuné chevauche en un val « plenier » et dit à ses païens de se préparer. Quand il voit Renaud, il lui crie « d’un son grant et plenier » :
Par Mahommet, Regnault, che vous fist foloier
D’issir de vo castel pour me gent mesaissier.
Trop menez grant orgueil, se te fault abaissier.
Mar venistes de cha le païs calengier.
De tes parens aroies aujourduy bon mestier,
De Doon de Nantueil et du Danois Ogier
Et de tous tes .iii. freres qui sont bon chevalier,
Et de Maugis aussi qui fu de mon mestier ;
Car il fu aveuc my a Toulette escoulier
Avec Baudry son maistre qui fu bon latinier.
Sarrasin, dit Regnault, tu te ses bien prisier,
Mais des ars de Toulette est Maugis bon ouvrier.
Comment as tu a non ? Dis le moi sans targier.
Tu as tres bonnes armes et [si] tres bon destrier ;
Mais folie te fait en bataille avanchier,
Car tu es trop petis pour atendre un guerrier,
Et chieux qui t’adouba te sot mal conseillier
Quant il t’a fait les armes si tres josne encarquier.
Regnault, dist Berfuné, par Mahom que j’ay chier,
Ains que tu fusses né, savoie chevauchier.
Regnaut, dist Berfuné, moult pau me vas prisant,
Mes bien a .xl. ans, pour voir le te creant,
Que rois Baudris mes peres m’ala le branc chaignant.
J’ay bien cent ans et plus, qui bien les va contant.
Je sai ferier de lanche et ferier de taillant,
Et sachies que briefment je te feray dolant.
Mais se tu me veulz rendre la fille l’amirant,
Sinamonde la belle qui le cors a plaisant,
Et le castel aussi d’Angorie le grant,
Je t’en lairay aler et te gent a garant
Pour te haute proesche qui est en ty si grant,
Et se tu ne le vœlz faire, le jouste te demant.
Renaud sourit et refuse, car on le blâmerait de jouter contre un si frêle adversaire. Berfuné, irrité, défie Renaud et, d’un coup de lance, le porte à terre.
