Devant la barbakane la grant barre sachier.
Ogiers voit que l’enchaus ne li aura mestier ;
Arriere s’en repaire, sel va le roi noncier :
« En non Deu, empereres, molt vos voi foloier,
Ki cuidies Renaut prendre, souduire n’enginnier.
Ja de plus fort chastel n’orres jamais plaidier,
Que là ont fait fermer par desor le rochier.
Vos nel prendries mie por les membres tranchier. »
L’empereres l’entant, prist soi à gramoier ;
Il jure Dame Deu qui tot a à jugier,
Qu’il ne s’en tornera por Mars ne por Fevrier,
Tant k’ara pris Renaut qu’il ne puet avoir cier ;
As forches iert pendus, nus nel puet respitier.
Richars sera dedrais à keue de somier[1]
Ki ocist Looïs à l’espée d’acier
Et Renaus Bertelai au pesant eschekier.
« Sire, ce dist Ogiers, penses de vos vengier ;
Car sovent vos ont fait pener et traveillier. »
[Fouques] de Morillon commença à hucier[2] :
« Sires, drois empereres, n’aies soing de targier ;
Mais faites vos barons errer et cevalcier.
Environ Montessor faites vostre ost logier. »
Et respont l’empereres : « Bien le doi otroier. »[3]
Lors sonerent [les grailes] et li cor montenier.
L’empereres de France pense de l’esploitier,
Tant qu’il vit le chastel fermé sor le rocier ;
Les montaignes sunt hautes, parfont sunt li gravier,
Les praeries larges, li bos grant et plenier.
Bien i pueent les pors et les lees chacier
- ↑ 2134 Il faudrait imprimer Guichars, ainsi qu’il ressort de la suite. Dans la constitution de la légende, on imputa aux Fils Aymon la mort de Looïs, sans fondre jamais en un tout homogène des éléments d’origine trop diverse.
- ↑ 2139 L Fel Guis. A. Forques. C’est le premier baron de Charles qui périsse à Vaucouleur de la main de Renaud. Son neveu est Ripes de Ribemont qui s’offre pour pendre Richard. Ses fils Constant et Rohart sont tués à la fin dans un duel avec les fils de Renaud. Fouques et les siens représentent dans notre poème l’action de la gent des traîtres. C’est bien lui qui porte le coup mortel à Beuves d’Aigremont, v. 1610 sqq.
- ↑ 2144 Complété d’après la formule.
