Cil sont tot baron Charle et .c. autre millier.[1]
Trestot icil vendront Montalban asegier ;
Mes ja n’en i aura un cenu ne un viel.
Certes se il vos prenent, mort estes et jugié.
Il vos fera ardoir et les membres brisier.
Et Aallars vo frere ert ronpus à destrier
Et Guichars ert pendus comme lerre fossier,
Et Richars ensement atelés à somier
Et les menbres del cors un et un esragier,
Et Maugis vo cosin fera si vergonder ;
Unques Dex ne fist mort dont ne soit justicier. »
« Dis tu voir ? » dist Renaus. « Sire, oïl, par mun cief.
Sor saint Denis de France li oï fiancier ;
Li rois n’en mentiroit por un mui de denier.
Et molt s’afice Charles et Rollans li siens niés.
Tot vostre orguel vendront et mater et quassier.
Molt se plenent de vos et de Maugis le fier.
Or soies bien garni por vostre honor gaitier ;
Durement vos manace de la teste trencier. »
Renaus, li fix Aymon, en est levés en piés.
Ses mains avoit tendues amont envers le ciel.
« Hé Dex ! ce dist li bers, nes en descoragier ;
Kar [adonc] verai jo Rollant et Olivier,[2]
Les .ii. homes el mont que jo plus oi poisier. »
« Cosin, ço dist Maugis, or ne vos esmaies ;
Mais garnisies la vile et penses d’enforcier,
Si mandes par la vile les vallans chevaliers
Et des estranges tieres [mandes les sodoiers][3]
Tant que vos en aies ensanble .ii. milliers[4]
Qui en vostre service soient fer et entier.
Qui son ronci perdra, rende[s] li .ii. destriers ;[5]
Qui perdra son hauberc, .x. mars d’argent entiers,
Et qui perdra son aume s’ait .iii. mars volentiers,
Page:Castets - La Chanson des quatre fils Aymon, 1909.djvu/457
Le texte de cette page a été corrigé et est conforme au fac-similé.
429
les quatre fils aymon
