Page:Castets - La Chanson des quatre fils Aymon, 1909.djvu/482

454

les quatre fils aymon

Si li dones cest brief, en cire seelé.
6100Si vos pri, biaus amis, ostages en prenes. »^[1]
« Volentiers, biaus dous sire ? », ce respont Salatrés.
Li mesages Charlon l’en a molt bien guié,
Qui avoit en la vile .iiii. jors sejorné,
Et trespasse les marches et les amples regnés ;
6105Desi à Monbandel ne s’i est arestés,
Et vient au tref Charlon, le fort roi coroné,^[2]
Et salua le roi, ensi con vos orres :
« Cil dame Dex de glore, qui tot a estoré,
Si saut et beneïe le meillor coroné
6110Qui onques fust en terre n’en la crestienté.
Li rois Yus de Gascoigne, au corage aduré,
Ci vos envoie .i. brief, en cire seellé,
N’i ait fors vos et moi, quant lire le feres. »
En une chambre à vote en sunt endui entré.

6115Charles, nostre empereres, si a brisié la cire ;
Quant il fu jovenciaus, si ot apris à lire,
M 162Et esgarda la letre ; si commença à rire,
Quant vit la traïson que les lettres li dirent.
Quant vit la mort Allart, tendrement en sospire,
6120Et quant vit la Guichart, d’en .ii. les iels lermie,
Et quand vit la Renaut, dont ne se tenist mie
Qu’il li donast tot l’or l’amiral de Persie.
Il est cheüs pasmés sor une roche bise,
Puis dist entre ses dens, c’on ne l’entendi mie :^[3]
6125« Ahi ! Renaut, mar fustes et vo che[vale]rie.^[4]
Hui muert la [fl]ors del mont, de la bachelerie.^[5]
Mes cousins esties, s’en ai au cuer grant ire.
Jamais n’auerai joie, à nul jor de ma vie.

1. 6100 Après ce vers B intercale :

   Se ma terre a de lui trieve ne seürté,
   Ains que demain soit vespres ne solaus esconsez,
   Que je ferai tout che que au brief trouverez.
2. 6106 L vienent.
3. 6124 Remarquez cette formule, elle reviendra encore au v. 6187.
4. 6125 L cherie.
5. 6126 L fors.