Page:Castets - La Chanson des quatre fils Aymon, 1909.djvu/577

549

les quatre fils aymon

« Sire, dist Oliviers, ne place dame Dé
9010Que je li face mal en trestot mon aé
Por tant que je le puisse guerpir ne eschiver. »
Estous, li fius Oedon, l’en prist à apeler
Et Yudelons li quens et Torpins l’ordenés.
« Merci, sire Rollant, por l’amor dame Dé.
9015Renaus est de no geste et de no parenté ;
Se l’avies ocis, ne vos porrons amer.^[1]
Si requeres le plait que il soit acordés,
Ou vos faites nos gens contre les siens aler.
Miex est que il i muirent .c. chevalier armé
9020Et .c. en soient pris et d’avoir rachaté,
Que Renaus i soit mors ne vos desalossés.^[2]
Quant Deu plaira et Charle, si seront acordé. »
« Seignor, ce dist Rollant, s’iert à vo volenté. »
M 238François sunt descendu, si se sunt ferarmé
9025Et chevaucent ensamble et rengié et serré.
Renaus crie s’ensaigne Montauban, haut et cler,
Et a dit à ses homes : « De bien ferir penses. »
Tante riche baniere i veïssies porter,
Tant [escu] à lion et tant [espié] doré.^[3]
9030L’uns chevauce vers l’autre por la mort encontrer.
A l’assembler des lances se sunt si coi mené
K’il n’i ot cor ne cri, ne busine soné.^[4]
Li Fil Aymon les fierent es escus d’or listés
Et François les reçoivent com chevalier mambré.
9035Là peüst on veoir tant ruiste cop doné,
Tante lance brisie, tant escu estroé
Et tant hauberc rompu et tant baron navré,
L’un mort deseure l’autre trebuchié et versé,
Et tant cheval corant, sor la montaigne aler,
9040Dont li seignor sunt mort et en l’estor remes.
Renaus, li fius Aymon, ne s’est aseürés.
Aallars et Guichars et Richars li senés,

1. 9016 L M porrons.
2. 9021 M pris ne vous desbaretés.
3. 9029 L Tant espié à lion, et tant escu doré. C’est distraction du copiste.
4. 9032 M neis un mot soné.