A tot .m. chevaliers que avec vos manres ;
Je ne voldrois en France que ne vos soit livré. »
« Sire, se dist Joifrois, ne voldries vos el ?[1]
Par icel saint apostre c’en quiert en Noiron pré,
Je nel feroie mie, por quanque vos aves.
Se il m’ocist mon pere, ne le fist pas de gré ;
Trop est pres de ma terre, se vos plaist, arestés ;[2]
S’or avoie Richart pandu ne afolé,
Certes, s’il n’i avoit fors Maugis le faé,
Ne me seroit garans ne chastel ne cité.[3]
Tant donrai à Renaut or fin et argent cler,
Ke entre moi et lui seromes acordé. »
« Va, glous, dist Charlemaignes, tu soies vergondés !
Richart, je vos pandrai par mon grenon mellé. »[4]
« [Et] vos, sire Oliviers, l’empereres respont,[5]
Vos iestes de Viane, de ma meillor maison.
Onques Reniers, vos pere, ne fist jor se bien non,
Ne dans Girars, mes hom, vostre honcles qu’est preudon.
Je vos donrai Viane et la cist de Liom,
Et s’aures Janvre et Pise tot en vostre abandon,
Dont vos aures en fief .x.m. compaignons ;
Si m’ales Richart pendre, le fil au viel Aimon,
O tot mil chevaliers que nos vos bailleron,
Qui garderont les forces por Maugis le larron. »
« Sire, dist Oliviers, en moie foi, je non.
Je ne veil ores mie marir mon compaignon,
Ne ferai contre lui qui vaille .i. esperon.
Je seroie parjurs et trop desloiaus hom,
N’il ne fait pas à pandre ; nos piés n’i porterom. »
« Hé Dex ! dist Charlemaignes, com j’ai malvais barons
- ↑ 10065 M ne voliez vous fil. A ne me voliez vous el.
- ↑ 10069 M Trop sont pres de ma terre sez frerez ostelez. Il y a loin cependant de Montauban à l’Anjou.
- ↑ 10072 Après vers M Metz ajoutent : Ne me feïst ardoir ou les membres couper. Cf. v. 10370 sq.
- ↑ 10076 Après ce vers M ajoute : Que ne parjureroie pour perdre .x. chités.
- ↑ 10077 L’ot.
