Ki forment a le cuer dolant et abosmé ;[1]
Molt durement se crient c’on ne l’ait oblié.
Desi à Monfauoon n’auront reine tiré ;
Il passent Balençon, dont parfont sunt li gué.
Tot droit à Monfaucon s’en est Ripeus alés ;
Si a veü les forces c’on i avoit levé ;
Por pendre roi Yon, le glouton desfaé,[2]
Les i fist li rois Charles et drecier et lever.[3]
Or i voldront Richart, ce m’est vis, encroer,[4]
Mais Dame Dex de glore l’en puet bien delivrer,[5]
Ki ses amis porgarde qui de cuer l’ont amé.
Ripeus, li mals traïtres, ki Dex puist mal doner,
En apele Richart ki le cuer ot iré.
Par molt grant felonie l’en prist à ramprosner :
« Si m’aït Dex, Richart, mal vos est encontré.
Encui seres pandus à molt grande lasté.[6]
A tous jors mais sera vos freres reprové.[7]
Honte en auront li oir de vostre parenté.
La mort Foucon mon oncle vos ferai comparer
Que Renaus m’a ocis sos Balençon as gués
Or verrai se Maugis vos saura anchanter.[8]
- ↑ 10440 Metz de 10440 à 10450.
Et cil a respondu : Si com vos commandes.
Et Rispeus cevalcha baus et aseürés.
L’emperere de France le convoia asses.
Amis, dist Charlesmaignes, d’esploitier vos hastes
Que jo ne disnerai devant que revenres.
Sire, ce dist Rispeus, si com vos commandes.
Li traïtres s’en torne, del roi est dessevrés.
Desi à Monfaucon ne s’est il arestés.
Si a veü les forques c’on i avoit levé
Por pendre le roi Yon, le quivert desfaé... - ↑ 10450 B le cuivert parjuré.
- ↑ 10451 B Là [l’eüst] fait Rollans drechier et encroer.
- ↑ 10452 B afoler.
- ↑ 10453-10454 Manquent à B.
- ↑ 10459 B anuit... viuté. Metz : vilté.
- ↑ 10460-10468 Manquent à Metz.
- ↑ 10464-10468 Texte de B :
Ains mort si acatée ne fu en vostre aé
Comme sera le Fouke ains que soit avespré.
Ne vous espargnerai pour l’onnor d’un regné,
Que pendus ne soiez ains que soit avespré
