Page:Castets - La Chanson des quatre fils Aymon, 1909.djvu/637

609

les quatre fils aymon

Et Charles estoit fors, il et si compaignon,^[1]
Armés molt richement sor .i. cheval gascon.
10695Li rois estoit armés à guise de baron ;
Il garde desor destre as puis de Monfaucon,
S’a veü la baniere Ripeu de Ribemont,
M 282Son escu et sa lance et son destrier gascon.
Quant Ogiers l’aperçoit, si grant duel nen ot hom ;
10700« Ahi ! dist-il, chaitis, coment nos contendron ?
Bien est perdus Richars et mis à deshonor.
Las moi, dolans pechieres, jamais no le verron.
Bien m’a traï Renaus et Maugis li larron.
Pandus iestes, Richart, à tort et sens raison.
10705Cousins, or vos parut, n’aviens parens el mont.
Se ne vos puis vengier, jamais joie n’aurom. »
Il broce Broiefort des tranchans esperons
Et [il] li vait plus tost que nus esmerillons.^[2]
Il a traite Cortain dont à or est li pons ;
10710Et Charles se regarde, voit Ogier le baron
Qui s’en vait vers Ripeu à coite d’esperon.
Il a dit à ses homes : « Poignes apres, baron.
Qui est or mes amis, si laist corre à bandon.
Ves là venir Ripeu que je aim et pris molt ;
10715Il a fait mon servisse ; sachies qu’il est preudom ;
De Richart m’a vengié, le fil au viel Aimon.
Or le me veut ocirre Ogiers en traïson.
J’en ferai tel justisce, se tenir le poom,
Par le mien esciant, ainc tele ne vit hom. »
10720Or desrangent François et Normant et Breton.
L’empereres meïsmes lait corre à abandon ;^[3]
Mais Ogiers fu devant, le trait à .i. bougon,
Qui sist sor Broiefort, le destrier aragon ;
En l’ost n’avoit meillor c’onques i seüst on.
10725Ogiers s’en vait poignant, plus est fier que lion,
Et tint traite Cortain, haucie contremont,

1. 10693 L Charles. B Ogiers « ce qui va mieux avec il et si compaignon. C donne aussi Charles, mais au v. 36 (10694) au lieu de li rois l’on a li autre sont armés. » Note de Michelant.
2. 10708 L Et li vait plus tost.
3. 10721 L Sic. Michelant : laisse corre à bandon.