Page:Castets - La Chanson des quatre fils Aymon, 1909.djvu/656

628

les quatre fils aymon

Je vos rendrai Maugis, je l’ai emprisoné. »^[1]
11325« Olivier de Viane, maint jor m’aves gabé.
Maugis voir ne vos doute .i. denier moneé. »
« Sire, dist Oliviers, s’orendroit m’afies
Que vos vostre corone maintenant reprendres,
Et maintanres vos homes, si com faire soles,
11330Maugis vos rendrai je tout pris en vostre tref. »
« Par foi, ce dist li rois, or aves bien parlé,
Et je ferai del tot à vostre volenté.
Si croitrai vostre fief encor de .iii. cités. »
« Sire, dist Oliviers, tot aparmain l’aures.
11335Verres se j’ai voir dit ou se vos ai gabé. »
Or s’en torne Oliviers, s’est venus à son tré.
Rollans, li niés Charlon, est awec lui alés
Et saisissent Maugis en son lit, où il ert.
Il le prist par le main, contremont l’a levé ;
11340« Or en venes, Maugis, ne vos puis mais celer.
Je vos rendrai au roi, mon seignor naturel. »
« Sire, ce dist Maugis, en fin traï m’aves. »
M 299Lors regrete Renaut Maugis li honorés.
« Ahi ! cousins, dist il, jamais ne me verres. »
11345Oliviers de Viane l’a par le poing coubré,
Et Rollans, li niés Charle, en est o lui alés.
Molt par fu grans la presse des contes et des pers
Por veoir Amaugis que il ont desirré.
El tref en sunt venu trestot li .xii. per.
11350« Sire, dist Oliviers, vos m’avez afié
Que vostre grant honor à toudis maintenres,
Vos homes et vo terre, si com faire soles. »^[2]
« Voire, dist Charlemaignes, se Maugis me rendes. »
« Sire, dist Oliviers, bien vos ai escouté.
11355Vees ici Maugis où je l’ai amené. »
Quant Charles l’a oï, si s’est amont levés :^[3]
« Maugis, or vos ai je, tant vos ai desirré.

1. 11324 B et si l’emprisonnez. B continue : Par foi, dist l’empereres, or avez bien parlé. Et je ferai du tout à vostre volenté. En nom Dieu, Olivier, maint jour m’avez gabé, Et Maugis ne vous crient.
2. 11352 B devez.
3. 11356 B ajoute : Ne fust mie si liez pour l’or de .v. chités.