Page:Castets - La Chanson des quatre fils Aymon, 1909.djvu/858

830

les quatre fils aymon

N’i ot jius negun ne doné gris ne soie.^[1]
Trois jors fist duel Renaus, puis a prisse sa voie.^[2]
Si vait à Montalbain tote sa plaine voie.^[3]
16530O lui vont si enfant [qu’à] bien faire [castoie].^[4]
Maugis ala a pié qui à Dex se ravoie.^[5]
Tant tindrent lor jornées par plain, par sapinoie,
Qu’il virent Montalbain ò il orent la joie.
La renomée ont tost el palais qui brunoie.
16535Quant si frere l’oïrent, sachiez ne lor anoie.
[Cortines] font [estendre] et maint paille de soie.^[6]

Là dedens Montalbain firent [adont] grant feste.^[7]
Tuit issent de la vile qui fu grans et honeste.
Renaut aloit devant, le chief droit comme beste,^[8]
16540Et apres lui Guichart et maint homme de geste.^[9]
Renaut vont acoler, et li viel home honeste.
Il lor fist bel samblant, si a [haucié] la teste,^[10]
Son grant duel lor covrit, pas ne [les amoneste],^[11]
Puis corent à Maugis qui [estoit] de lor geste :^[12]
16545A pié vont avec lui, por faire de lui feste.
Donc dessendi Renaus qui onques n’i areste,
Et trestuit li baron qui molt furent en queste.
Maugis les va contant, qui de geu les enheste.^[13]

Là depens Montalbain entrerent errament
16550Renaus garda avant, si vit apertement,

1. 16527 A N’i ot chanté ne riz ne donné drap de soie. P N’i ot ne vair ne griz ne garnement de soie.
2. 16528 Deux d’après P, huit d’après A.
3. 16529 P Que pas ne se desroie.
4. 16530 L qui de bien faire castoient. P que de bien faire avoie. A manque
5. 16531 Sic L P. A qui Damedieu deproie.
6. 16536 Sic A P. L Lor tentes font destendre.
7. 16537 L molt. P adont. A une grant.
8. 16539 L Renaut. P Renaus. A Regnaus.
9. 16540 P et si ami honeste.
10. 16542 L lancié. P dreciée.
11. 16543 L lor a fist feste. A P les amoneste.
12. 16544 L erent. P estoit.
13. 16548 A Maugis lor va content lor maniere et lor estre, P Comment s’entretrouverent, se puis orent tempeste.