Page:Castets - La Chanson des quatre fils Aymon, 1909.djvu/877

849

les quatre fils aymon

Ge vos en pri à toz por sainte Carité,
Car li orguels est grans d’ambedeu pars assés.
Je ne voldroie mie por tote m’erité
17075Que li chans fust forcés, trop seroie avilé ;
A toz les jors del siecle me seroit reprové. »

« Seignor, dist l’empereres, por Deu gardes mon droit.
Molt est Rohars cruels et del malvais endroit.
An ses amis se fie don il çaiens tant voit.
17080Tant me dot de mellée, tot lo cors ai destroit,^[1]
Tant est fors de lignages que à tort les menroit,
Renaus de Montaubain ases tost s’i metroit.^[2]
Ge lo dot plus que nus, se Dex an m’arme soit.^[3]
Moi voloit il ocire, sovenir bien m’en doit,
17085S’un pou est correciés, nus n’en esparneroit.
Renaus est messurables, qui ne lo sequeroit ? »
« Sire, ce dist dus Naimes, bien garderon vo droit,
Que ja nus n’i fera vilenie ne lait. »

Li traïtor s’armerent qui pas ne se tarderent,
17090Puis entrerent en [l’iaue] et oltre se nagerent.^[4]
Lor chevax enmenerent, que il là hernecherent
Es pres se sunt asis, lor destriers atacherent.
Berangier et Hardres mil des lor herbergerent.
El bruillet desus Saigne trestos les enbruncherent.^[5]
17095Grifonet d’Autefoille par conseil [les] baillierent.^[6]
Sor la foi de son cors basset li conseillierent,
S’il voient lo meschief, que en Seigne se fierent,
Lor amis lor [rescouent], s’il voient qu’il comperent,^[7]
[Les fix Renaut ocient qui par mal les requierent].^[8]
17100« Volentiers, [font] li lerre qui tot jors lo mal querent.^[9]

Enbruchié sont li lerre qui ont pris lor marande.
Renaus vint à ses fils, si lor a fait offrande
De Froberge la bone, n’i a cel qui n’i tende,

1. 17080 A Mont me dout de meslée.
2. 17082 A errament s’i ferroit. P asses tost se movroit.
3. 17083 P Rien nule tant ne dot, se ja Dex m’ame voit.
4. 17090 L. l’isle. A l’iaue.
5. 17094 A El vergier dessus Saine.
6. 17095 L li.
7. 17098 Sic A. L covient.
8. 17099 Pris de A. L manque.
9. 17100 L fait li lerres. A dient cil.