Page:Charles d Orléans - Poésies complètes, Flammarion, 1915.djvu/313

Mais grant aumosne vrayementj
Car à mon cueur joyeusement
De par vous le presenteroye,
Se desplaire ne vous doubtoye,
CHANSON LUI.
Pour nous contenter, vous et moy,
De bon cueur et entier povoir,
Ne s’espargne Léal Vouloir,
Viengne avant sans se tenir quoy.
Commandez moy je ne sçay quoy,
Vous verrez se feray devoir,
Pour nous contenter, vous et moy,
De bon cueur et entier povoir.
Se faulz, par l’amoureuse loy,
Mis en fossé de Nonchaloir
Soye , sans grâce recevoir;
Baillez la main, prenez ma foy,
Pour nous contenter, vous et moy.
CHANSON LIV.
Malade de mal ennuieux ,
Faisant la peneuse sepmaine,
Vous envoyé, ma souveraine ,
Un souspir merencolieux.
Par lui saurez, mon bien joyeux,
Comment desplaisir me demaine.
Malade de mal ennuieux.
Faisant la peneuse sepmaine.
Car aler ne pevent mes yeulx