Page:Charles d Orléans - Poésies complètes, Flammarion, 1915.djvu/325

Pour regarder ce qu’on désire ?
Dangier est bien estrange sire,
Qui tant veut amans asservir.
Vous lerrez vous anéantir,
Amours, sans remède quérir ?
Ne peut nul Dangier contredire ?
Fault il aveugle devenir ?
N’ose l’en plus les yeulx ouvrir.
Pour regarder ce qu’on désire ?
Les yeulz si sont fais pour servir,
Et pour raporter tout plaisir
Aux cueurs, quant ilz sont en martire.
A les en garder Dangier tire,
Est ce bien fait de le souffrir ?
Fault il aveugle devenir ?
CHANSON LXXVI.
Regardez moy sa contenance,
Lui siet il bien à soy jouer ?
Certes, c’est le vray mirouer
De toute joyeuse plaisance.
Entre les parfaittes de France
Se peut elle l’une advouer ?
Regardez moy sa contenance,
Lui siet il bien à soy jouer ?
Pour fol me tien, quant je m’avanc
De vouloir les grans biens louer,
Dont Dieu l’a voulu douer ;
Ses faiz en font la demonstrance :
Regardez moy sa contenance 1