<poem style="margin-left:8em; font-size:100%"> Convient harnois de Bonne Espreuve. Au derrain, fera Loyaulté Faulceté de son penser veufve; Pour Raison fault que Dieu s’esmeuve, Monstrant sa puissance et bonté Contre le trait de Kaulceté.
RONDEAU CXXII. Acquittez vostre conscience, Et gardez aussi vostre honneur, Ne laissez mourir en douleur Ce qui avoir vostre aide pense. Puisque avez le povoir en ce De l’aider, par grâce et doulceur, Acquittez vostre conscience, Et gardez aussi vostre honneur. On criera sur vous vengence, Se soufirez murdrir en rigueur, Ainsi à tort, ung povre cueur ; Assez a porté pascience, Acquittez vostre conscience.
RONDEAU CXXIII. On ne peut servir en deux lieux. Choisir convient ou çà, ou li ; Afestu tire qui pourra Pour prendre le pis ou le mieulx Qu’en dittes vous, jeunes et vieulx? Parle qui parler en vouldra ; On ne peut ser ir en deux lieux,
